財政司司長陳茂波今日宣讀新一份財政預算案，佢宣布，會再向每名合資格人士發放兩期5000蚊消費券。佢話，過去派發消費券嘅計劃有正面反應，而第一期會喺4月先發放3000蚊，餘額會喺年中發放，另外，透過唔同入境計劃留港居住以及留學嘅人士，都可以獲發一半額度，即2500元蚊嘅消費券。
另外，陳茂波又宣布其他減稅措施，包括寬減薪俸稅同埋個人入息課稅，上限6000蚊；寬減2023/24年首兩季差餉，每戶每季上限1000蚊。
而公共交通費用補貼計劃會延期至今年10月，為市民每月超出200蚊嘅實際公共交通開支提供三分之一嘅補貼，以每月五百蚊為上限。
財華網所刊載內容之知識產權為財華網及相關權利人專屬所有或持有。未經許可，禁止進行轉載、摘編、複製及建立鏡像等任何使用。
如有意願轉載，請發郵件至 content@finet.com.hk，獲得書面確認及授權後，方可轉載。
