政府再派5000元消費券 繼續寬減薪俸稅及差餉

財政司司長陳茂波今日宣讀新一份財政預算案，佢宣布，會再向每名合資格人士發放兩期5000蚊消費券。佢話，過去派發消費券嘅計劃有正面反應，而第一期會喺4月先發放3000蚊，餘額會喺年中發放，另外，透過唔同入境計劃留港居住以及留學嘅人士，都可以獲發一半額度，即2500元蚊嘅消費券。 另外，陳茂波又宣布其他減稅措施，包括寬減薪俸稅同埋個人入息課稅，上限6000蚊；寬減2023/24年首兩季差餉，每戶每季上限1000蚊。 而公共交通費用補貼計劃會延期至今年10月，為市民每月超出200蚊嘅實際公共交通開支提供三分之一嘅補貼，以每月五百蚊為上限。