宋涛马英九会面 强调两岸一家人不能分开

台湾前总统马英九去内地展开祭祖之旅，佢今日喺武汉东湖宾馆同国台办主任宋涛会面。宋涛转达国家主席习近平向马英九嘅问候，又欢迎佢回乡，马英九就话，两岸喺九二共识获得成果，两岸主事者都有责任维持交流，共同合作。

宋涛喺会面之中，肯定马英九为两岸关系发展作出重要贡献，又引述习近平嘅讲话，指「两岸同胞一家亲」，边个都唔可以将两岸分开。马英九就强调1992年嘅「九二共识」，佢话，两岸各自口头表述，坚持一个中国原则，咁系两岸能够继续交流嘅共同政治基础。

马英九又去到武汉市档案馆，佢赞扬内地新冠疫情控制得好，系对整个人类社会嘅贡献。