宋濤馬英九會面 強調兩岸一家人不能分開

台灣前總統馬英九去內地展開祭祖之旅，佢今日喺武漢東湖賓館同國台辦主任宋濤會面。宋濤轉達國家主席習近平向馬英九嘅問候，又歡迎佢回鄉，馬英九就話，兩岸喺九二共識獲得成果，兩岸主事者都有責任維持交流，共同合作。 宋濤喺會面之中，肯定馬英九為兩岸關係發展作出重要貢獻，又引述習近平嘅講話，指「兩岸同胞一家親」，邊個都唔可以將兩岸分開。馬英九就強調1992年嘅「九二共識」，佢話，兩岸各自口頭表述，堅持一個中國原則，咁係兩岸能夠繼續交流嘅共同政治基礎。 馬英九又去到武漢市檔案館，佢讚揚內地新冠疫情控制得好，係對整個人類社會嘅貢獻。