27歲港女碩士移英後尋短 疑不堪生活壓力太大

近日英國傳媒報導，一名27歲嘅女碩士生移民英國之後，懷疑不堪生活壓力太大，喺上年11月尋短，直至幾日前驗屍官證實佢死於自殺。 依位姓何嘅女碩士，2017年喺香港嘅大學畢業，2019年喺日內瓦修讀碩士，返港之後曾經喺香港紅十字會工作，佢喺2022年4月移英，並搵到一份慈善機構工作。 何女士住喺倫敦里士滿，生活成本相當高，每個月租金就要900鎊，但只係一間要用公共廁所嘅分租房，佢嘅家人後來喺佢嘅電腦發現，佢要節衣縮食，居住環境又惡劣，尋短前已約見精神科醫生，佢亦曾經同兄弟講，驚因壓力太大被解僱，冇咗收入，所以覺得好沮喪。有網民就話，移民嘅財政壓力好大，所以行動前要三思。