近日英国传媒报导,一名27岁嘅女硕士生移民英国之後,怀疑不堪生活压力太大,喺上年11月寻短,直至几日前验尸官证实佢死於自杀。 依位姓何嘅女硕士,2017年喺香港嘅大学毕业,2019年喺日内瓦修读硕士,返港之後曾经喺香港红十字会工作,佢喺2022年4月移英,并搵到一份慈善机构工作。 何女士住喺伦敦里士满,生活成本相当高,每个月租金就要900镑,但只系一间要用公共厕所嘅分租房,佢嘅家人後来喺佢嘅电脑发现,佢要节衣缩食,居住环境又恶劣,寻短前已约见精神科医生,佢亦曾经同兄弟讲,惊因压力太大被解雇,冇咗收入,所以觉得好沮丧。有网民就话,移民嘅财政压力好大,所以行动前要三思。
更多精彩內容,請登陸
財華香港網 (http://www.finet.hk)
現代電視 (http://www.fintv.com)