網紅「梨老師」在港曾任職幼稚園校長，她日前到意大利旅行，在梵蒂岡遇到一批缺德的疑似港人遊客，令她嬲爆在網上發帖作出大控訴。
她表示，到梵蒂岡聖伯多祿大殿的舖頭內選購聖水時，遇到一批行為缺德的疑似香港遊客，她指，該批遊客講廣東話，並將歐羅兌換為港幣，因此很大程度上相信他們是港人。
她表示，該在教堂內的舖頭很細「塞滿人」，而該批港人為選一枝「最完美聖水」及「最fit自己的戒指」，雖同一尺寸戒指亦左選右選，有人更研究「戴左手定右手好」，完全不顧身後有大批遊客排隊等候。
她表示，揀選最合適戒指沒有問題，但當後面遊客禮貌請她們稍為移步時，「呢班香港人就話：咪由佢哋等吓囉，唔使佢哋等啊？甚至乎話佢哋排咗咁耐入嚟，後面嘅人要排得更加耐。」
除了排隊方面的「首宗罪」外，第二宗罪是揀選聖水的離譜行為。她表示，這班港人為研究哪枝聖水「最滿」，竟「係到逐枝逐枝扭開人哋（聖水），伸隻手指入去摸人哋，睇吓邊枝聖水係最多，倒人哋枝聖水出嚟，睇吓邊枝係最滿」。
她指，該港人「倒人哋聖水時」，「（佢）隔籬個Friend仲話：你做得好啊，我啱啱都係咁倒出嚟。」
她表示，其他遊客見到即時喝止，但該批港人仍未有停手，「佢哋係轉個位，匿係角落頭，繼續倒人哋啲聖水。」
第三宗罪是付款時，教堂表明只收信用卡，不收現金，但該批港人卻堅持要付現金，「佢死都要畀現金，直至到職員頂佢唔順，搶佢張卡嚟嘟。」
帖文引發熱烈迴響，有網民問「梨老師」何不即場制止：「即刻出聲，同職員講返佢打開咗！」
梨老師留言解釋：「教堂間舖頭實在空間有限，而且入面只有一個職員收緊錢，想搵個職員幫手都冇辦法。」
不少港人留言指這班人「影衰」香港人：「真係好核突，揀都算，塞隻手指入去人哋個樽度係咩玩法。」「完全覺得佢哋真係好似冇接受過教育咁囉。」
財華網所刊載內容之知識產權為財華網及相關權利人專屬所有或持有。未經許可，禁止進行轉載、摘編、複製及建立鏡像等任何使用。
如有意願轉載，請發郵件至 content@finet.com.hk，獲得書面確認及授權後，方可轉載。
財華財經APP下載 
