放先人骨灰入迷你倉拒交租！時昌迷你倉發現兩骨灰龕 租客欠租3個月 最後這樣處理

時昌迷你倉有租客拖租3個月，店方在清倉時竟發現倉內有兩個骨灰盅，內有骨灰，時昌迷你倉老闆時景恒在社交平台，分享這奇遇表示，當時「我哋唔敢亂郁」，最後花了9個月時間，他們不收取這9個月的倉租，希望最終可以「有人嚟認領」，更四出張羅聯絡、搵租客、登報等」。店方也曾聯絡政府，但「政府幫唔到」，最終都無人認領，該租客亦沒有再回來。
店方透露最後唯有出錢幫佢哋海葬，連儀式都做齊，成件事用咗接近一萬蚊」。他也在帖文中說：「放啲先人入迷你倉，仲要唔交租」。
有網民留言指店方將有關骨灰海葬「貌似又講唔通」：「人哋冇打算海葬點算？可以反咬你喔。」該網民又指店方做法「極易引發嚴重糾紛甚至訴訟」。「件事有冇經部門批准？骨灰係特殊物品。」店方稱，合同上註明只要冇交租，所有物件算係毀壞(destroy)，佢簽咗名，即係同意咗。」
部分網民亦力撐店方做儀式幫骨灰海葬的做法：大功德，多謝你一切善意！「好心有好報。」「都幾驚嚇，啲客放咩真係好難控制，慶幸係骨灰，唔係白粉。」有網民又估計兩個骨灰盅無人認領，「可能放係度嗰位，都過身了，所以無法處理到。」