内地团迫爆土瓜湾 李慧琼倡限廉价团来港

九龙城区议会日前讨论内地团喺区内引发嘅问题，身兼立法会议员嘅九龙城区议员李慧琼就话，当局唔应该俾廉价旅行团冇限制黎香港，担心以「购物」补偿团费对香港经济帮助唔大，反而令旅客对香港留低坏印象。

李慧琼又话，当局喺五一黄金周之前要掌握廉价团嘅数目以及作出限制，否则长假期嗰阵问题会越黎越严重。

另一九龙城区议员潘国华就话，区内内地团已经滋扰附近居民超过十几年，内地旅客食饭之後喺垃圾桶附近食烟，不时随地吐痰，佢发言嗰阵一度哽咽，话生活喺咁嘅环境，问题一直冇改善，反问当局居民要点样忍受。