旅游寺庙门票销量增三倍 官媒批年轻人「不上进只上香」

近日内地旅游网站嘅资料显示，今年寺庙景区嘅门票订单增加咗三倍几，近半人系「90後」以及「00後」，反映咗年轻人对寺庙观光有极大兴趣。不过，官媒《新京报》评论文章就批评，年轻人唔应该「不上进只上香」，如果年轻人将生活希望寄托喺神佛之上，就系「走偏咗」。

文章话，年轻人面临学业丶工作丶婚姻压力，上香可能系释放压力嘅管道，但认为求神拜佛始终靠唔住，只有自己努力先可以成功，另外，《北京日报》都发表评论文章，认为年轻人上香只求减压。

但新京报嘅评论就引起网络反弹，唔少人批评评论忽略年轻人现实情况，只系觉得盲目要求「上进」就可以解决问题。