迪士尼裁員7000人 漫威娛樂董事長亦被解僱

娛樂巨頭迪士尼日前宣布啟動裁員計劃，預計今年會裁員7000人，今日有報導話，漫威娛樂董事長珀爾馬特亦被解僱。 珀爾馬特同迪士尼執行長艾格被傳不和咗好耐，珀爾馬特曾經支持另一位投資人進入董事會，同艾格產生咗好大嘅衝突。艾格本來已經卸任迪士尼職務，但2022年11月回歸，迪士尼希望可以挽救集團業務，所以艾格制定一連串改革裁員計劃，包括今次裁員。 珀爾馬特出生以色列，移民美國之後喺街頭經商致富，1993年加入漫威嘅董事會，2005年成為首席執行官，佢喺2009年以40億美元將漫威娛樂賣俾迪士尼，當時正值漫威嘅低潮時期。