专家建议50岁以上人士打一针加强剂 刘宇隆：不用每年打针

香港虽然已经取消疫苗通行证，但仍然可以接种新冠疫苗，专家委员会琴日开会之後，决定建议50岁以上嘅高风险人士，打完第三针之後半年，可以再打一针加强剂。

疫苗可预防疾病科学委员会主席刘宇隆话，唔等於市民每年都要打新冠疫苗，依个建议只适用喺2023年，佢又话，世卫建议不一定同本地专家相同，香港专家参考咗唔同数据，之後喺科学委员会得出共识。

刘宇隆又话，专家仍未清楚新冠病毒嘅季节性，又话病毒变种好快，疫苗点样都追唔上病毒变种速度。