葉劉淑儀稱有限資源應先放在北部都會區

政府未來將推進兩個大型建設項目，包括交椅洲填海以及北部都會區，行政會議召集人葉劉淑儀話，兩個項目都投入巨大，如果資源有限，北部都會區應先於交椅洲填海。 佢話，按照政府目前嘅財政情況，未知可唔可以同時推進兩個大型計劃，但北部都會區可以協助打破一國兩制嘅發展矛盾，意義重大，又可以同鄰近地區互補不足，發揮協同效應。 而葉劉淑儀質疑交椅洲填海的經濟效益以及財務可行性，佢話，5800億嘅成本只係初步預估，未包括工程細項以及經濟效益評估。