TikTok美國用戶突破1億 美商務部長擔心禁用會失選票

短片分享平台TikTok日前公布，平台喺美國嘅每月活躍用戶已經升至1.5億人，但美國政界有人希望禁止TikTok，美國商務部長雷蒙多坦言，如果關閉TikTok，包括佢在內嘅政治人物，會永遠失去35歲以下選民嘅選票。 美國國會仍就TikTok問題進行聽證會，TikTok行政總裁周受資向參議院解釋多個問題，認為唔應該喺美國禁止TikTok，一批內容創作者亦會到華盛頓參與聽證會。 而美國政府日前亦要求TikTok嘅中國股東出售股份，否則會有進一步限制。