平機會建議修例列明「族內歧視」 禁內地香港互相歧視

平等機會委員會日前向政府提出修例建議，禁止「族內歧視」，即係禁止香港人同內地人互相歧視。平機會建議喺現行種族歧視條例裡面，加入族內歧視嘅定義，無論係新移民、遊客、永久居民都受到保障，又會為居民身份定義，方便清楚針對內地人被歧視嘅問題。 不過，朱敏健話，如果訂明範圍超出現有條例，可能會影響到教育、僱傭、租屋等問題，而市民可能會對相關問題更敏感。 朱敏健又話，會爭取今個立法年度提交到立法會，但因為修例範圍複雜，未有準確落實時間。