世界幸福報告 香港排名82 北歐三國繼續第一

聯合國資助嘅「可持續發展解決方案網絡」發表年度「世界幸福報告」，喺137個國家以及地區當中，芬蘭連續6年成為世界上最幸福嘅國家，而之後分別係丹麥、冰島、以色列等等，頭三位都係北歐國家，而內地排名64，香港就排名第82。

阿富汗連續連續4年排名最低，甚至比起俄羅斯以及烏克蘭都低。報告訪問咗全球10萬人，以人均GDP、預期壽命、社會支持以及可以對生活作出選擇等評分項目。

而喺疫情期間，人嘅幸福感反而比疫情前高，報告表示，因為人與人之間嘅聯繫更高，令到受訪者喺遇到困難有人依靠，增加咗幸福感。