北角无人商店告别 偷窃率大增难以经营

有人喺港岛区开设多间无人商店，铺头冇店员，只系设有收款箱，客人拎咗货品之後再自己俾钱到收款箱，店铺负责人近月已经反映偷窃问题严重，近日更加话偷窃率大增3成，无可奈何之下唯有结业。

无人商店讲求自律，但依种概念喺现今香港社会睇黎仍未能成功，商店创办人阿Joe话，3年前开设无人商店，一直都有偷窃问题，或者有客人俾唔足钱，但仍然能生存，不过近日偷窃率大增，所以被迫只能结业。

有网民就大感可惜，因为商店卖嘅野好抵，更话睇到有人一次过拎走10几枝水，亦有老人家一箱饮品直接拎走，形容系人性本恶。