葵芳閣謀殺案 疑兇潛逃日本 警方通知國際刑警

葵涌葵芳閣琴日發生謀殺案，63歲女子梁雪卿番屋企嗰陣發現屋企被賊人爆竊緊，之後佢被賊人用鐵筆襲擊致死，警方鎖定疑兇身份係鄰居嗰女嘅男友，但疑兇已經潛逃日本，警方通知國際刑警協助追捕兇徒。 梁雪卿住喺葵芳閣30幾年，係業主立案法團嘅司庫，同鄰居相處融洽，但懷疑鄰居嗰女嘅男友因為欠債，又知道死者屋企存放貴重物品，所以用死者擺放喺鄰居屋企嘅後備鎖匙入屋爆竊，被死者撞破之後行兇殺人，之後逃亡。 賊人嘗試打開死者嘅夾萬但唔成功，最後搜掠部分財物後離開。