亂拋垃圾擬罰3000 政府稱引入累進制罰款

政府建議亂拋垃圾、隨地吐痰等嘅罰款金額提升至3000蚊，而店鋪阻街以及非法擺放廢物就提升至6000蚊，又建議引入累進制罰款，如店鋪持續犯法會再提高罰款。 環境及生態局副局長黃淑嫻話，公眾諮詢當中有8成人認同提高罰款，超過6成認為政府嘅罰款金額合適，當局今年第二季提交條例草案，最快第四季實施。 立法會議員何俊賢就認為，罰款同埋監禁唔係唯一解決方法，因為舊區冇地方上落貨，唔希望問題喺新區再出現。