李強記者會稱港澳地位只會持續加強 明天更美好

新上任嘅國務院總理李強日前喺兩會召開記者會，佢被問到港澳發展前景嗰陣，就話近年雖然遇到困難，但中央政府會全面準確，堅定不移維持「一國兩制」方針，港澳地位只會加強，唔會削弱。 李強話，中央高度重視港澳獨特優勢，喺國家支持下，香港嘅國際金融中心、貿易及航運三大中心地位不變，而且獲得加強，而澳門作為國際旅遊休閒中心亦享譽全球。 佢強調，有祖國作為堅強後盾，有一國兩制嘅保障，香港同埋澳門嘅地位只會加強，唔會削弱，香港澳門明天一定會更美好。