名宿连尼加批英政府遭停职 多名主持声援杯葛BBC

英国足球名宿连尼加近年主持英国广播公司BBC嘅足球节目，但佢近日批评英国政府嘅难民政策，等如30年代嘅德国，就被BBC停职，但事件引起足球界批评，多名主持杯葛节目，搞到节目冇人做要停摆。

连尼加主持嘅节目《Match of the Day》多位原定会出席节目嘅嘉宾都拒绝出场，就算现场旁述同埋後备人员都唔愿意出席，导致原定有3至4个钟嘅直播节目，变成只有20分钟嘅精华片段，当中冇任何旁白。

唔只连尼加嘅节目，BBC其他足球节目都被杯葛，结果要临时取消，BBC总裁戴维向公众道歉，但话自己唔会辞职，强调无受到政治压力。有分析就话，BBC受到公众压力，迟早都会俾连尼加复职。