播錯國歌事件 李家超去信Google交涉

早前港隊冰球隊喺波斯尼亞比賽，但發生播錯國歌事件。宜家喺Google搜尋香港嘅國歌，仍然會出現示威歌曲。特首李家超就話，會去信Google交涉。 佢話，國際賽事國歌出錯唔可以接受，國歌代表民族尊嚴，會盡全力確保國歌喺唔同場合播出，又會要求參賽機構以及組織遵守指引。 李家超話，事件涉及搜尋結果出現唔正確資訊，Google作為大機構，有道德以及法律責任，當局多次向Google交涉，希望搵出解決辦法。