美國派戰機擊落中國無人氣球　中方表示強烈不滿

中國無人氣球進入美國領空，最後美國總統拜登下令戰機擊落氣球，美國國防部喺度回收有關氣球，並檢查設備，中方就話，對美方使用武力強烈不滿同埋抗議。 美國國務卿布林肯因為事件已經推遲訪華，美國亦有聲音要求加強對中國嘅制裁。中國外交部副部長謝鋒就話，中國民用無人飛艇誤入美領空完全係由不可抗力導致嘅意外、偶發事件，事實一清二楚，不容歪曲抹黑。 有美國傳媒報導，或者有另一個氣球逐漸接近美國，目前未知氣球實際用途，但相信入面有精密嘅通訊設備。