导演张婉婷执导嘅记录片《给十九岁的我》,记录咗六名英华女学生嘅十年成长经历,电影公映後得到良好口碑,但参与记录片嘅两名女生就发文控诉,话学校以及导演唔理佢哋反对公映嘅要求。
其中两名主角阿聆以及阿佘发文控诉,阿聆话,自己从头到尾都反对公映,以佢认知记录片只会校内放映,多次交涉都不得要领,阿聆冇出席任何电影宣传活动,而阿佘虽然有出席电影宣传,但佢亦发文话自己其实都反对,但知道反对冇用,所以最後亦同意电影公映。另外四名女生亦有出席电影宣传,但至今冇最新表态。
张婉婷琴晚宣布电影暂停公映,认为要每个人坐低理清事件,希望之後有机会再上映,佢话,电影公映前,有俾六个人再签公映同意书,但阿聆最终都冇签。
更多精彩内容
请登陆
财华香港网(https://www.finet.hk/)或
现代电视(https://www.fintv.hk)