《給十九歲我》公映爭議 兩主角控訴 電影暫停公映

導演張婉婷執導嘅記錄片《給十九歲的我》，記錄咗六名英華女學生嘅十年成長經歷，電影公映後得到良好口碑，但參與記錄片嘅兩名女生就發文控訴，話學校以及導演唔理佢哋反對公映嘅要求。 其中兩名主角阿聆以及阿佘發文控訴，阿聆話，自己從頭到尾都反對公映，以佢認知記錄片只會校內放映，多次交涉都不得要領，阿聆冇出席任何電影宣傳活動，而阿佘雖然有出席電影宣傳，但佢亦發文話自己其實都反對，但知道反對冇用，所以最後亦同意電影公映。另外四名女生亦有出席電影宣傳，但至今冇最新表態。 張婉婷琴晚宣布電影暫停公映，認為要每個人坐低理清事件，希望之後有機會再上映，佢話，電影公映前，有俾六個人再簽公映同意書，但阿聆最終都冇簽。