觀塘百億商業重建項目流標 地價跌近半仍無人問津

市建局琴日公布，觀塘市中心第四及第五發展區嘅招標項目流標，截止申請日期之後，只有新地一間發展商提交標書，市建區董事局建議唔接納有關標書，收回項目。 今次發展項目相當龐大，總樓面216萬平方呎，市值估計最低87億元，就算地價由上年8月份大幅回落近5成，而觀塘亦有大量甲級寫字樓，但最後仍然流標。 市建局話，會聽取發展商意見之後，從唔同層面研究適當方案，定立未來嘅發展路向。