港澳辦宣布下周一起免核酸免限額通關

國務院港澳事務辦公室今日公布，從2月6號起，全面恢復內地與港澳人員往來，取消預約過關安排以及人數限額，亦唔會要求核酸檢測。 港澳辦話，只要7日內冇外地旅遊史，就唔需要核酸檢測過關，早前羅湖商業城已經要求商戶喺2月6號必須營業，以配合通關措施。 預料特首李家超即將公布取消內地旅客到港需要檢測嘅要求。