轟動全國胡鑫宇死亡案 官方稱有錄音證明屬於自殺

江西上饒鉛山縣一名15歲高中生失蹤過百日後，遺體喺學校附近嘅國家儲備糧倉被發現，但因為疑點重重，一度引起諸多猜疑。官方最新公布，還原胡鑫宇嘅錄音筆內容之後，認定佢係屬於自殺。 胡鑫宇喺上年10月14日失蹤，直至今年1月28日發現屍體，刑事技術專家話，屍體發現地冇打鬥痕跡，死者全身骨骼完整，胸腹無出血，器官無驗出有毒藥，而頸部檢驗結果顯示，死於吊頸自殺。 而胡鑫宇嘅錄音亦顯示，佢有自盡意願，喺家屬認同嘅情況下，會適時公布內容。