啟德建簡約公屋遭反對 卓永興批獅子山精神只是嘴上說?

政府計劃喺多區興建簡約房屋，但喺啟德嘅建屋計劃就被當區居民反對。政務司副司長卓永興今日發文批評，政府希望基層市民脫離惡劣居住環境，但社會部分人士反應落差咁大，反問「獅子山精神」係唔係只係嘴上講講？ 卓永興話，政府認為有充分理據以及財政能力興建簡約房屋，但社會上就有人糾纏財政同埋交通能力，佢話，自己都係經歷過擠迫居住環境，未體會過依種煎熬嘅人，冇道德力量反對政府計劃。 佢又呼籲社會團結，為低層市民帶黎生活改變，體現真正「獅子山精神」。