日本寿司郎遭恶作剧 股价一度蒸发10亿 公司坚持提告

近期日本网络疯传一段短片，一名高中生喺日本寿司郎一间分店狂舔豉油樽同埋茶杯，又为回转寿司「加料」。事件引发轩然大波，有网民表明唔敢再去寿司郎，导致公司股价大跌，市值一度蒸发近9.6亿港元。

事後嗰名高中生被「起底」，佢起初仲觉得好小事，唔明点解网络反应咁大，但事件发酵之後，佢嘅家长带佢向寿司郎道歉，但公司表明唔接受，会坚持追究到底。

寿司郎话，事件威胁到食安问题，会严肃处理，事後分店已更换以及清洁所有豉油樽同埋茶杯，又话如果顾客有要求，会随时换已消毒嘅用具。