平機會稱食肆診所拒接待確診者或違歧視條例

所有新冠確診者從琴日開始無需要隔離，但有地方揚言唔接待確診者，有私家診所亦拒絕接收患者。平機會主席朱敏健今日話，如果有食肆以及診所將確診者拒諸門外，可能違反殘疾歧視條例。 朱敏健話，如果食肆診所拒絕服務，要令依種較差嘅待遇唔構成歧視行為，必須有合理解釋。如果診所以冇新冠藥為由拒接患者，依個解釋未必百分百合理。 佢強調，歧視嘅標準好難一刀切，要視乎情況，但目前暫未收到投訴。