網紅拍片食「大白鯊」網絡瘋傳 遭罰款12.5萬人民幣

內地一名叫做「提子」嘅網紅，上年7月拍攝水煮鯊魚嘅影片，之後被發現所食嘅係國際瀕危野生動物「噬人鯊」，遭當局調查，最後提子被罰款12.5萬人民幣。 案情指，涉案人喺網上用7700蚊購買一條鯊魚，之後先後進行擺拍以及烹食，並發布到唔同平台，目前銷售者以及捕撈者已經被捕。 噬人鯊係國家二級保護動物，當時提子堅稱係可食用嘅人工養鯊魚，但之後被科普博主認得係國際瀕危野生動物噬人鯊。