簡約公屋4至5人單位300多呎 月租約2650元

政府日前公布簡約公屋嘅示範單位，同早前公布嘅設計圖相似，四至五人單位約300幾呎，有獨立廚廁，租金每月大約2650元，比傳統公屋大約少10%。 即使簡約公屋未如理想，但比起一般劏房環境大有改善，政府琴日安排劏房戶參觀單位，有輪候四年公屋嘅市民話，小朋友有足夠活動空間，可以喺書枱做功課同埋自己睡床，認為符合一家人需要。 政府目前計劃有八幅地興建簡約公屋，預計一至兩年內可以落成，再加上傳統公屋，未來五年有15萬建屋量，較上一個五年增加五成。簡約公屋4至5人單位300多呎 月租約2650元