美國首個AI律師出師不利 創辦人稱遭威脅暫停協助被告辯護

美國科技公司DoNotPay原定以首個人工智能律師程式協助超速駕駛案嘅被告辯護，但公司創辦人布勞德近日話，收到律師公會嘅警告，冇牌照協助辯護，可以被監禁6個月，所以決定擱置有關計劃。 美國律師公會對這件事表達強烈反對，而布勞德亦都話，有法律界人士擔心工作會被人工智能搶咗。 布勞德話，目前程式對法律嘅認識有進步空間，需要不斷訓練，佢認為目前程式只達到高中程度，會試吓將程式送到法學院。 人工智能律師係使用ChatGPT聊天機械人，可以通過不斷對話進行學習。