免核酸免配額通關即將實施　譚耀宗：可能未來幾日

香港與內地通關近一個月，但需要有配額以及需要檢測，全國人大常委譚耀宗引述政務司司長陳國基話，可能會未來幾日內實行免核酸免配額通關。 譚耀宗話，內地核酸機構越來越少，好難搵到檢測嘅地方，所以取消核酸最實際，佢又話，目前配額用唔哂，既然已達到有序通關，已經冇需要配額。 佢又認為，相信下個月初羅湖口岸可以通關，宜家只差一啲工程，以內地速度好快會完成。