袁國勇倡成立獨立調查委員會　檢討疫情應對

政府專家顧問袁國勇今日提出，政府應該就新冠疫情成立獨立調查委員會，檢討疫情之中點解老人院會成為重災區，搵出原因。 袁國勇話，2003年沙士之後，政府都有成立委員會，之後促成衛生防護中心成立，政府亦投放唔少資金做研究以及搜集情報，佢話，今次疫情初段做得好，但第五波疫情令院舍成為重災區，要搵出原因，因為下次多數都會喺老人院發生類似事件。 佢又呼籲公眾唔好輕視疫情，因為每次大流行過去之後都冇人理，認為唔應該再重蹈覆轍。