袁国勇倡成立独立调查委员会　检讨疫情应对

政府专家顾问袁国勇今日提出，政府应该就新冠疫情成立独立调查委员会，检讨疫情之中点解老人院会成为重灾区，搵出原因。

袁国勇话，2003年沙士之後，政府都有成立委员会，之後促成卫生防护中心成立，政府亦投放唔少资金做研究以及搜集情报，佢话，今次疫情初段做得好，但第五波疫情令院舍成为重灾区，要搵出原因，因为下次多数都会喺老人院发生类似事件。

佢又呼吁公众唔好轻视疫情，因为每次大流行过去之後都冇人理，认为唔应该再重蹈覆辙。