內地推「強國交通」APP　整合所有網約車貨運平台

內地推出首個國家級嘅「強國交通」出行平台，將會接入市場超過90%嘅運力，連接幾十間平台，包括網約車、貨運、水運以及航運等。 內地傳媒報導，目前平台已經完成內部測試，計劃短期內會推出。強國交通由中央宣傳部主管嘅「學習強國」推出，有分析指，強國交通集合所有平台，官方係希望打擊無序擴張以及保障數據安全。 不過，有人亦擔心，由公營平台去管理，會有「國進民退」嘅效果，打擊市場經濟。