全球最长寿人瑞修女安德烈去世 终年118岁

全球已知最长寿的人瑞丶法国修女安德烈喺睡梦之中离世，终年118岁。安德烈晚年喺疗养院生活，上年佢曾经感染新冠病毒之後康复，当时佢讲过，唔惊死亡，因为会喺另一个地方同兄弟及父母重聚。

安德烈居住嘅疗养院发声明，话感到非常悲伤，但安德烈渴望同兄弟团聚，对佢黎讲咁系一种解放。

安德烈1904年喺法国南部出生，曾担任教师及传教士，1944年进入修道院，安德烈被视为欧洲最长寿嘅人，而上年119岁嘅日本人瑞田中加子去世之後，佢就成为全球最长寿嘅人。