全球最長壽人瑞修女安德烈去世 終年118歲

全球已知最長壽的人瑞、法國修女安德烈喺睡夢之中離世，終年118歲。安德烈晚年喺療養院生活，上年佢曾經感染新冠病毒之後康復，當時佢講過，唔驚死亡，因為會喺另一個地方同兄弟及父母重聚。 安德烈居住嘅療養院發聲明，話感到非常悲傷，但安德烈渴望同兄弟團聚，對佢黎講咁係一種解放。 安德烈1904年喺法國南部出生，曾擔任教師及傳教士，1944年進入修道院，安德烈被視為歐洲最長壽嘅人，而上年119歲嘅日本人瑞田中加子去世之後，佢就成為全球最長壽嘅人。