國泰工會批公司迴避訴求 宣布行動升級

國泰空中服務員工會因為不滿國泰處理人手問題，令外站員工休息時間唔夠，早前宣布按章工作，工會今日再話，由於公司多次迴避訴求，拒絕簽署書面協議，宣布將行動升級，但未決定幾時發起行動。

工會外務副主席蕭詠恩話，明白喺農歷新年期間發起按章工作，會對公眾造成影響，但咁係工會極唔願意睇到，工會希望公司能夠確保編更公平，制定最低外站休息時間，恢復同工會嘅恆常會議，每程航班增加人手，以及檢視新合約條款。

早前國泰話，參與工會嘅員工只佔小部分，所以航班服務可以如常運作，又對工會行動表示失望。