美國加州北部發生6.4級地震 最少造成兩死

美國加州北部琴日發生6.4級地震，最少造成2死12人受傷，約7萬人受停電影響，之後又發生超過80次餘震，當局提醒居民要警惕，唔可以掉以輕心。

近海岸嘅洪堡郡災情最為嚴重，唔少建築物及道路受損，里約戴爾嘅橋亦受損，有技術人員緊急前往視察。

加州北部經常發生地震，有居民話見怪不怪，但今次特別嚴重，洪堡郡有4條主要道路受損，一條能源輸送管亦出現破裂。