明日大嶼造價升至5800億 但政府估計可賺2000億

政府今日向立法會提交文件，明日大嶼嘅最新造價上升800億港元，達到5800億，但政府估計，賣地收入可達到7500億，最終可賺近2000億。

政府又認為，整個項目唔需要純粹依賴公共開支，除咗基本工程儲備金，可以考慮多個融資方法，包括發行債券、公私營合作等等。

政府最新嘅明日大嶼填海方案，會增加成為填出三個人工島，中間留有Y字型航道，將來亦有鐵路通過，由港島西接駛至新界西北。