內地辦公室流行「陰陽相隔」 醫護感染後仍要上班

內地官方公布新冠感染人數似乎下降，不過未能反映實際情況，多地都開放俾輕症或者無症狀患者繼續番工，有人番到辦公室之後，先發現已經與同事「陰陽相隔」。

河北有一間辦公室就用膠膜隔開陽性與陰性員工，由於太多人感染，唔少企業人手都唔夠，重慶就率先建議輕症患者可以照常番工。

吉林、河北等地，都因為醫院人手唔夠，鼓勵陽性醫護繼續當值，但就會安排佢哋治療確診病人。多地都預計，下個月上旬會到達疫情高峰，目前正加強醫療資源儲備。