國美黃光裕遭追薪罵員工不要面 有人與保安發生衝突

國美電器近百名員工近日包圍北京鵬潤大廈嘅國美辦公室追討欠薪，期間國美創辦人黃光裕現身，員工與保安發生衝突，黃光裕大鬧員工「唔要臉」，最後要警察到場調停。

網上片段顯示，有員工要求公司發放9至11月嘅人工、半年薪以及無故被扣咗嘅績效，又有員工要求補交5月之後嘅公積金。不過，員工嘅言論引起公司副總裁魏秋立不滿，佢反問員工，有冇先同上司講，要追薪就要先同上司講。

國美員工追薪咗超過8個鐘，有員工話，唔會放棄，之後幾日都會一直喺辦公室門外，據指近幾日都有員工追薪，但國美無回應事件。個幾月前，國美董事長黃秀虹曾經話，公司喺12月底前唔會出人工，只會交社保，之後都唔確定，又要求員工簽承諾書。