鄭州富士康工人騷亂 當局出動水炮車催淚彈驅散

河南鄭州富士康近月爆發疫情，早前因廠區缺乏糧食，默許大批工人離開，但當新工人入到廠區後，有傳部分人發現簽嘅合同與招聘條件唔一樣，認為被騙，又有人擔心被安排與舊員工混住可能染疫，引發不滿。

網上片段可見，衝突喺凌晨發生，大批工人衝向穿著白色防護衣嘅人員，又有片段睇到，水炮車出動驅散工人，有工人慌忙走避，片來傳來相信係催淚彈嘅聲。

富士康母公司鴻海發聲明話，員工津貼一律按合約履行，員工亦無混住，對於示威，鴻海話會與員工及當地政府做好溝通。