紐約檢察官民事起訴特朗普及家人　涉詐騙稅務優惠

紐約檢察總長詹樂霞昨日宣布，將以民事訴訟方式起訴前總統特朗普及其家人，喺貴重嘅資產上涉商業行騙，以獲取稅務優惠，並追討2.5億美元，特朗普批評，呢次另一場獵巫行動。 詹樂霞起訴特朗普，其子女小特朗普、艾力克及伊萬卡，以及兩名特朗普集團高層。佢表示，調查發現，特朗普等人喺2011至2021年期間，作出超過200次虛假嘅資產評估，例如佢申報曼哈頓特朗普大樓嘅單位面積超過3萬平方呎，實際上不足1.1萬呎，佢認為係故意詐騙。又指特朗普高估海湖莊園嘅價值為7.39億美元，實際只值7500萬元。 特朗普批評咁係政治迫害，又指詹樂霞係種族主義者。