普京宣布動員令 俄羅斯人疑大逃亡 出國機票價急升

俄羅斯入侵烏克蘭近7個月，烏軍近日加緊反攻，俄羅斯總統普京琴日宣布局部動員令，要求國內30萬後備役軍人參戰。不過，宣布之後，俄羅斯出國嘅機票價急升，而且火速售完。 普京宣布後，「如何離開俄羅斯」成為Google嘅搜尋熱門關鍵詞，俄羅斯多地嘅機票價格急升，亦很快就售罄。 目前俄羅斯國民前往格魯吉亞、土耳其及亞美尼亞無需簽證，但現時已經買不到前往這些國家機票，而前往吉爾吉斯、阿塞拜疆等地亦無票可售，前往土耳其嘅機票，都急升至一萬至兩萬港元一張，由於歐盟正制裁俄羅斯，歐洲多國亦斷絕與俄羅斯嘅航班，變相增加咗俄國人「逃亡」嘅難度。