政府专家倡2月开始逐步取消口罩令 疫情不会大幅反弹

政府会喺今个月30号取消隔离措施，香港嘅防疫措施只会剩低口罩令以及学生需要快测，政府专家顾问刘宇隆今日话，可以分两至三阶段取消口罩令，2月底可以喺室外通风地方取消戴口罩，３月左右取消室内口罩令，之後医院以及院舍就最後取消。

刘宇隆估计，取消口罩令之後，会出现流感以及新冠疫情反弹，个案维持喺2000宗或更低水平，但唔会有後口罩海啸。

佢又认为，如果无出现大型爆发，可以取消师生快测嘅措施，过关亦可以用快测取代核酸。