湾仔连撞六车 揭87岁的士司机一星期两意外

湾仔琴晚发生交通意外涉及七架车，一名87岁姓梁司机，揸着一架无乘客嘅的士，喺告士打道先撞到一架私家车，但司机冇发觉，转入小路之後，再撞跌三架电单车，之後的士继续行，再撞到一架货车以及七人车。

的士司机要途人喝止先停车，救护员到场，司机就话唔需要送院，又强调自己驾驶冇问题，但车行职员到场助查嘅时候，就话司机上星期曾组喺金钟翻车，公司要用十几万买新车，今次再撞6架车，公司唔会再租车俾佢。

事件引起对高龄司机关注，根据资料，香港有超过6200名80岁以上嘅司机，最年长甚至有100岁。