政府建議亂拋垃圾罰款3000 店鋪阻街增至6000

政府今日向立法會提交文件，建議將亂拋垃圾嘅定額罰款，由1500蚊加至3000蚊，而店鋪阻街就增至6000蚊，非法擺放廢物同樣增至6000，預計出年第二季提交修例草案。 政府話，今年8月開始嘅打擊衛生黑點計劃初見成效，認為有需要提高罰款，增強阻嚇力，所以建議調高7項主要涉及個別人士嘅罰款，例如棄置廢物喺公眾地方、未經准許貼海報等等。 政府又話，留意到有店鋪將罰款當成經營成本，對守法者唔公平，認為有需要大幅增加罰款，所以建議加至6000蚊。 至於引入累進制罰款，政府就話，由於系統要求相當高，亦會增加執法困難，所以唔建議實施。