再有國際賽播錯國歌 王敏超稱主辦單位解釋不能接受

迪拜日前舉行亞洲組典健力錦標賽，香港代表連煒楨奪得女子「所有年齡組別及體重級別47公斤」金牌，頒禮嗰陣，又將反修例示威歌當成國歌播放，但連煒楨打出T字手勢，隨後主辦單位暫停播放歌曲，過一陣後播放正確國歌。 港協暨奧委會義務秘書長王敏超話，今次必須以更嚴肅方式處理，包括向國際體育總會反映事件嚴重性，制定強硬嘅指引，佢又認為，主辦單位解釋義工下載錯誤歌曲，係唔能夠接受，又認為並非唔小心，而係刻意出錯。王敏超話，現時指引大方向正確，會再開會檢視實行細節。