美俄交換囚犯 WNBA球星獲釋返回美國

美國女職籃球員WNBA球星格里納早前喺俄羅斯因為藏有大麻精油電子煙，被判監9年。美國社會一直認為格里納係人質，要求當局協助釋放。近日美俄達成交換囚犯協議，格里納已經獲釋返回美國，而美國就釋放俄羅斯軍火商人布特。 美國總統拜登話，已經同格里納通話，佢好平安，宜家番緊屋企。曾兩奪奧運金牌嘅格里納，今年2月加盟俄羅斯球隊嗰陣，喺莫斯科被搜出持有大麻油電子煙，依種電子煙喺美國唔犯法，但喺俄羅斯可以被判重罪。 而美國釋放嘅布特，佢喺2008年泰國被捕，美方指控佢喺全球為武裝團體提供武器，佢2012年被判入獄25年。